- 391 -

1401. Nov. 20. Liegnitz.

Kaufbrief Herzog Ruprechts an die Stadt für die Hinter-Heide.

In gotis namen amen. Wir Ruprechte von gotis gnaden in Slesien .. herczog vnd herre zu Legnicz bekennen vffenlich mit desem briefe allen den, die en sehin adir horen lesin, das wir von vnsers selbis vnd von des hochgebornen fursten.. herczogen Wenczlaws vnsers liben bruders wegin, der von gotlichen gnaden mit vns erbhirre ist zu Legnicz, mit rate vnser getruwen eldisten vmbe swere schaden zuvormeiden vnd vnsern fromen gwislich zuwerben von vnsir wene vnd rechten nochkomlinge wene, haben recht vnd redlich vorkowft vnd vfgelassen, gelehen, gereicht, leihen vnd reichen vnsir Legnitsche heide bei dem Caldinwassir gelegen, die do bereinet vnd begreniczt ist vnd hebit sich an, czum irsten an der kopitzen an Wirtzener felde vnd von derselben kopitzen bis an die kopitze an die gebrante linde, vnd von der gebranten linden bis vff die kopitze an der Wirtzener vywege, vnd von derselben kopitzen bis vff die straze, die do geet von dem Caldenwasser kegin der crummen linden, vnd von derselben kopitzen bis vff die kopitze bey dem Dibborne, vnd von der kopitze bey dem Dibbome bis an die kopitz bey der gebewthen eychen, vnd von der gebewthen eychen bis an die kopitz an dem grossen steyne, vnd von derselben kopitzen bis an die kopitze vff dem Kalenberge, vnd von derselben kopitzen bis vff die kopitz an den Brawshatschdorffer wege. vnd von der kopitzen bis vff die czweselichte eyche vnd von der czweselechten eychen bis vff die kopitze von Merthin Resemks erbe, vnd von der kopitzen bis an die stat, do Merthin Resemks erbe wendit, vnd von der kopitzen bis vff die kopitz Schiks henobir, alz Pakusch feld wendit, vnd von Pakusch felde bis vff die kopitz, als der Guldenynne feld wendit, vnd von der Guldenynne feld bis an Andiris Diterichs feld vnd von Andirs Diterichs feld bis an Henlein Furmans feld, vnd von Henlins feld bis vff Merthin Crowsen feld, vnd von Merthin Crowsen feld bis vff des Cretschemers feld, vnd von des Cretschemeris feld bis vff das feld, das eczwene Pakusch gewest ist, vnd von demselben felde bis vf Merthin Crowsen feld, vnd von Merthin Crowsen feld bis vff Schellindorffs feld, vnd von Schellindorffs feld bis vff Petir Crowsen feld vnd von Petir Crowsen feld bis uf des pharrers erbe, vnd von des pharrers erbe bis vff Petir Wilden erbe, vnd von Petir Wilden erbe bis vff Niclas Crowsen erbe, vnd von Niclas Crowsen erbe bis vff lange Diterichs erbe vnd von desselben erbe bis vff Scheffils erbe vnd von Scheffils erbe bis vff Vry Jonen erbe, vnd von Vry Jonen erbe bis vff Dresscheris erbe vnd von Dresscheris erbe bis vff Hannos Ritters erbe vnd von Hannos Ritters erbe bis vff Pawil Arnoldis erbe, vnd von Pawil Arnoldis erbe bis vff Vyerabunds erbe, vnd von Vyerabunds erbe bis vff Pawschken erbe vnd von Pawschken erbe bis vff Burghard Trachen erbe vnd von Burghard Trachen erbe bis vff Andris Wirtchins erbe, vnd von Andris Wirthchins erbe bis vff Hannos Vyerabunds erbe vnd von Vyerabunds erbe bis vff Merthin Resemkes erbe vnd von Merthin Resemke erbe bis vff Petir Scheferis erbe, vnd von Scheferis erbe bis vff Andris Diterichs erbe bis vff Jone Molneris erbe vnd von Jone Molneris erbe bis vff den Newenhoff. Also von der irsten kopitzen bis vff die letzte, was vff die rechte hant ist, als sich Wirtschyner feld anhebit, das gehorit die stat Legnicz an, vnd waz vff die lynke hant leit, das gehorit kegen dem Caldenwassir, vm ein genant geld, des sie vns gancz vnd gar zu vnserm fromen boracht vnd beczalit haben mit den rechten, freiheiten, wirden, hirscheften, nuczen vnd zugehorungen, als wir dieselbe heide gehabt vnd besessen haben, in allen reynen, greniczen, als sie gelegen ist, nichts usgenomen, wie man die benennet adir benennen mag, sie werden hie benant, adir nicht benant, vnseren getrawen lieben burger- meistern vnd ratmannen vnsirr stat zu Legnicz, die do iczund sein vnd hernoch in zu-kunftigen czeiten burgermeistern vnd ratmannen doselbist gekorn werden vnd allen iren nochkomlingen burgermeistern vnd ratmannen doselbist erblich vnd ewiclich zu haben, zubesiczen, zuvorkouffen, zuvorgeben, zuwechseln vnd domete zuthun vnd zulassen, wie en das behagit allirbeste, vff derselbin heiden behalde wir vns vnsern erben vnd rechten nochkomlingen erbhirren zu Legnicz zu vnser notdorft, vnsirs hausses zu Legnicz also vil howlcz zu brawen, zu backen, zu bawen, zu born vff derselben heiden zuhawen vnd zufuren, als wir des notdorfft werden sein. Des zu ewiger sicherheit habe wir en desin briff lassen vorsigiln mit vnserm ingesigile zu Legnicz, noch gotis geburde vierczenhundirt jare dornoch im irsten jare am suntage noch sante Elizabethtage. Dobei sint gewest vnsir getrawen lieben Nitsche Vngerothen, Hannos Gawen, Burgold vnd Niclas Slewiczer, Wilrich Guske, Mathis Heyner vnd Johannes Alczenaw, vnser schreiber, dem wir desin briff beuolen.

O. d. St. L. No. 200, sehr schadhaft und ohne Siegel, doch mit Schnüren von rother und weisser Seide. — Bitschens Privilegb. f. LXVIIIb.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866